Azərbaycan
English
РусскийQısa cavab
Hibrid (HEV) benzinlə işləyir, kiçik batareya yalnız yanacağa qənaət edir və rozetkaya qoşulmur. Plug-in hibrid (PHEV) böyük batareyaya malikdir, rozetkadan şarj olunur və qısa məsafəni yalnız elektriklə gedə bilir. Elektrik avtomobili (BEV) isə yalnız batareya ilə işləyir. Seçim gündəlik yürüşünüzdən və şarj imkanınızdan asılıdır.
Müqayisə
| Meyar | Hibrid (HEV) | Plug-in (PHEV) | Elektrik (BEV) |
|---|---|---|---|
| Rozetkadan şarj | Yox | Bəli | Bəli |
| Yalnız elektriklə hərəkət | Çox qısa | Qısa məsafə | Tam |
| Benzin mühərriki | Var | Var | Yox |
| Batareya ölçüsü | Kiçik | Orta | Böyük |
| Kimə uyğundur | Şarj imkanı olmayanlara | Evdə şarj edə bilən, bəzən uzaq yola gedənlərə | Gündəlik şarj imkanı olanlara |
Hibrid (HEV)
Ən sadə və ən az riskli seçimdir. Batareya kiçikdir, sürüş zamanı özü şarj olur. Şəhərdə yanacaq sərfi xeyli azalır. Toyota Prius, Camry Hybrid, Hyundai Sonata Hybrid kimi modellər ABŞ auksionlarında tez-tez rast gəlir.
Plug-in hibrid (PHEV)
Evdə şarj edib gündəlik şəhər yolunu elektriklə getmək, uzaq yolda isə benzinə keçmək mümkündür. Amma batareya böyük olduğu üçün zədəli lotda risk də böyükdür. Şarj etmədən istifadə etsəniz, adi hibriddən az qənaətli ola bilər.
Elektrik (BEV)
Ən aşağı istismar xərci, amma şarj infrastrukturundan asılılıq. Auksiondan alarkən batareya, şarj portu və proqram məsələləri ayrıca yoxlanılmalıdır — ətraflı yazı.
Xaricdən gətirəndə nəyə diqqət?
- Gömrük qaydaları üç növ üçün fərqli ola bilər və dəyişir — aktual vəziyyəti rəsmi mənbədən və ya bizdən dəqiqləşdirin.
- Hibrid və PHEV-də benzin mühərriki Avro-4 normasına uyğun olmalıdır.
- Su basmış hibrid və elektromobillərdən çəkinin — niyə.
Bizim yanaşmamız
Biz sizin təsdiqiniz olmadan heç bir lotu almırıq. Hər lot üçün şəkilləri, zədə qeydlərini və VIN tarixçəsini açıq göstəririk, riskli hesab etdiyimiz maşını almamağı məsləhət görürük. Hazırda satışda olan maşınlara canlı auksion səhifəsindən baxın və ya sifariş formasını doldurun — 050 202 30 80.