Az Büdcə ilə Xaricdən Maşın Gətirmək Mümkündürmü?

Xaricdən maşın gətirmək istəyən çox adamın ilk sualı budur: bunun üçün nə qədər pul lazımdır? Yaxşı xəbər odur ki, böyük büdcə şərt deyil. Bu yazıda minimum nə qədər lazım olduğunu və az büdcə ilə ən sərfəli seçimi necə etməyi izah edirik.

Minimum büdcə nə qədərdir?

Bizdə xaricdən maşın idxalı təxminən 11.000 AZN-dən başlayır. Bu məbləğə auksion qiyməti, daşınma, gömrük və xidmət haqqı — yəni maşının Bakıya, açara qədər bütün xərci daxildir. Konkret rəqəm seçilən modeldən, ilindən və mühərrik həcmindən asılı olaraq dəyişir.

Bu, ekonom sinif üçün başlanğıc həddidir. Daha yaxşı təchizatlı və ya premium avtomobil istəyirsinizsə, büdcə buna uyğun artır.

Az büdcə ilə hansı maşınlar sərfəlidir?

Kiçik büdcə ilə ən çox dəyəri bu kateqoriyalar verir:

• Kiçik mühərrikli sedanlar — Toyota Corolla, Honda Civic, Hyundai Elantra kimi. Mühərrik həcmi az olduğu üçün gömrük rüsumu da aşağıdır.
• Yüngül zədəli (salvage) avtomobillər — təmiz tarixçəlidən 40-60% ucuz, düzgün seçilsə çox sərfəli.
• Koreya bazarı — Hyundai və Kia üçün ən yaxşı qiymət, üstəlik daha tez gəlir.

Az büdcədə niyə mühərrik həcmi vacibdir?

Azərbaycanda gömrük rüsumu mühərrik həcminə birbaşa bağlıdır — həcm nə qədər böyükdürsə, rüsum o qədər çoxdur. Ona görə az büdcə ilə maşın alanda kiçik mühərrikli model seçmək iki qat qənaət deməkdir: həm maşının özü ucuz, həm gömrük az.

Elektromobil az büdcə üçün variantdırmı?

Bəzi hallarda bəli. Elektromobillərdə gömrük güzəşti olduğu üçün eyni büdcəyə benzin maşından daha yeni elektromobil almaq mümkün ola bilər. Amma batareya vəziyyətini mütləq yoxlamaq lazımdır — zədəli batareya qənaəti bir anda udur.

Az büdcədə nələrdən qaçmaq lazımdır?

Çox ucuz görünən köhnə maşın. 2009-cu ildən köhnə avtomobil Avro-4 normasına uyğun olmaya bilər və gömrükdə rəsmiləşdirilməz. Necə yoxlanıldığını bu yazıda göstərmişik.

Su və yanğın zədəsi. Ucuz salvage lot cəlbedici görünür, amma su basmış maşın illərlə problem verir. Yüngül toqquşma olar, su və yanğın olmaz. Bunu VIN yoxlaması ilə alışdan əvvəl görmək mümkündür.

Gizli xərc vədi. "Çox ucuz gətirərik" deyən, amma sonradan əlavə xərc çıxaran təkliflərdən uzaq durun. Bizdə yekun qiymət əvvəlcədən, tam açıqdır.

Az büdcə ilə necə başlamaq?

Ən yaxşı yol büdcənizi bizə bildirməkdir. 11.000 AZN və ya daha çox — nə qədər büdcəniz varsa, ona uyğun real variantları tapıb göndərək. Siz görüb seçin, biz gətirək. Bu, heç bir öhdəlik yaratmır.

Büdcənizi bir rəqəmlə yazın, o məbləğə sığan 3-5 real variantı göstərək: sifariş formasını doldurun və ya 050 202 30 80 nömrəsinə yazın.